«Stratehija kiravańnia dziaržaŭnym doŭham apošnich hadoŭ pryviała da nakapleńnia šerahu istotnych prablem», — kaža ministr finansaŭ.
Ab hetym paviedamiŭ siońnia ministr finansaŭ Andrej Charkaviec, vystupajučy ŭ pałacie pradstaŭnikoŭ.
«Stratehija kiravańnia dziaržaŭnym doŭham apošnich hadoŭ, zasnavanaja na aktyŭnym pryciahnieńni źniešnich pazyk, pieravažna dla padtrymańnia ŭzroŭniu zołatavalutnych reziervaŭ, pryviała da nakapleńnia šerahu istotnych prablem»,— kanstatavaŭ ministr. Jon adznačyŭ nabližeńnie da parohavaha značeńnia pakazčyka źniešniaha dziaržaŭnaha doŭhu ŭ adnosinach da VUP. Rezki rost płaciažoŭ pa źniešnim doŭhu čakajecca ŭ 2012 hodzie.
Jany składuć $1,6 młrd. i ŭ dva razy pieravysiać pakazčyki 2011 hoda.
Značny abjom abaviazacielstvaŭ čakajecca i pa ŭnutranych harantyjach. Limit harantyj urada krainy pa kredytach biełaruskim bankam na 2012 hod składaje Br20 trłn. pry skłaŭšymsia ŭzroŭni Br17,2 trłn. Jon moža być pieravyšany ŭžo pa vynikach oda, vykazaŭ mierkavańnie Andrej Charkaviec.
Dola vykananych harantyj pa harantavanych kredytach pavialičyłasia, kali paraŭnać z 2009 hodam, z 2,2 pracenta da 13 pracentaŭ u 2011 hodzie.
Z ulikam hetaha stratehija kiravańnia dziaržaŭnym doŭham na 2012 hod i na nastupnyja hady z ulikam vopytu 2011 hoda budzie budavacca na biezumoŭnym vykanańni daŭhavych abaviazacielstvaŭ Biełarusi, na ažyćciaŭleńni novych pazyk vyklučna na mety refinansavańnia nakoplenaha doŭhu i na realizacyju bujnych inviestycyjnych prajektaŭ, padkreśliŭ Andrej Charkaviec.
Ciapier čytajuć
«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton48
Kamientary