Biełaruś addaje MAZ u chołdynh z KamAZam
Miaśnikovič dałažyŭ Łukašenku, toj daŭ zhodu.
Biełaruś i Rasija dasiahnuli pryncypovaj zhody ŭ pytańni farmavańnia chołdynha na bazie MAZa i KamAZa. Heta vynikaje ź infarmacyi, raspaŭsiudžanaj pres-słužbaj Alaksandra Łukašenki pa vynikach dakłada kiraŭniku dziaržavy prem'jer-ministra Michaiła Miaśnikoviča, paviedamlaje karespandent BIEŁTA.
Asobna było abmierkavana toje, jak urad płanuje realizoŭvać damoŭlenaści, dasiahnutyja 15 červienia ŭ Sankt-Pieciarburhu na sustrečy premjeraŭ Biełarusi, Rasii i Kazachstana. Heta datyčycca ŭzhodnienaj pramysłovaj palityki i intehracyi prampradpryjemstvaŭ va ŭmovach Adzinaj ekanamičnaj prastory.
«Hetaja intehracyja dla biełaruskaha boku vyhadnaja. Pa-pieršaje, heta abjadnany rynak aŭtamabilaŭ, na jakim siońnia my pradajom 77 pracentaŭ pradukcyi MAZa. I hałoŭnaje, što siudy my možam uvajści praz kaapieracyjnyja pastaŭki, heta značyć śpiecyjalizacyi ŭžo ŭ ramkach abjadnanaha chołdynha, — adznačyŭ Michaił Miaśnikovič. — U nas jašče jość chołdynh „Aŭtakampanienty“, jaki, my ličym, možna budzie aktyŭna ŭklučyć u kaapieracyju z hetym abjadnanym chołdynham».
«Pryncypovaja zhoda ŭłaśnikaŭ KamAZa pa hetym pytańni jość», — paviedamiŭ prem'jer-ministr. Alaksandr Łukašenka taksama daŭ pryncypovuju zhodu. Ciapier urad zojmiecca padrychtoŭkaj nieabchodnaha pakieta dakumientaŭ, kab dakładvać kiraŭniku dziaržavy pry pryniaćci kančatkovaha rašeńnia.
Kamientary