Arhanizataram IPO razhladaŭsia Deutsche Bank.
Pracesy arhanizacyi pieršaha publičnaha prodažu akcyj AAT «BiełAZ» zapavolilisia. Pra heta paviedamiŭ staršynia Dziaržaŭnaha kamiteta pa majomaści Hieorhij Kuźniacoŭ.
Pavodle jaho słoŭ, heta moža być u peŭnaj stupieni źviazana i z palityčnymi padziejami, jakija adbyvajucca ŭ Jeŭrasajuzie i zakranajuć Deutsche Bank. Razam z tym, nahadaŭ jon,
u Biełarusi moža być pryvatyzavana luboje dziaržaŭnaje pradpryjemstva, kali jość cikavaść z boku inviestara i zhoda na toje kiraŭnika dziaržavy.
AAT «BiełAZ» razhladała ŭ jakaści patencyjnaha arhanizatara IPO Deutsche Bank. Adnak kančatkovaja placoŭka i terminy praviadzieńnia pieršaha publičnaha raźmiaščeńnia akcyj tak i nie byli vyznačanyja. Mierkavałasia vybrać placoŭku, jakaja pryciahnie cikavaść najbolšaj kolkaści inviestaraŭ i dazvolić pryciahnuć najbolšy abjom finansavych resursaŭ.
Akramia taho,
pradpryjemstva pierad vychadam na IPO pavinna pieravieści svoj buchhałtarski ŭlik na mižnarodnyja standarty finansavaj spravazdačnaści (MSFS).
IPO — pieršy publičny prodaž akcyj akcyjaniernaha tavarystva, u tym liku ŭ formie prodažu depazitarnych raśpisak na akcyi, nieabmiežavanamu kołu asob. Prodaž akcyj moža ažyćciaŭlacca jak u vyhladzie raźmiaščeńnia dadatkovaha vypusku akcyj šlacham adkrytaj padpiski, tak i ŭ vyhladzie publičnaha prodažu akcyj isnujučaha vypuska.
Ciapier čytajuć
«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton48
Kamientary