Fond imia Hienrycha Biola ŭznaharodziŭvice-prezidenta Mižnarodnaj fiederacyi pravoŭ čałavieka, pravaabaroncu Alesia Bialackaha premijaj Pietry Kieli, paviedamiła žonka Bialackaha Natalla Pinčuk.
Pavodle słoŭ Pinčuk, pra ŭznaharodžańnie joj paviedamiŭ u liście były pasoł Hiermanii ŭ Biełarusi Krystaf Vajl. U liście adznačajecca, što premija prysudžana ŭ znak pryznańnia dziejnaści Alesia Bialackaha ŭ adstojvańni pravoŭ čałavieka ŭ Biełarusi.
«Sardečna vinšuju jaho z hetaj uznaharodaj, jakuju jon zasłužyŭ u asablivaj stupieni. Imia Alesia Bialackaha simvalizuje asabistuju prystojnaść i samaaddanaść u baraćbie za pravy tych, chto źviedvaje represii», — piša Vajl.
Akramia taho, pavodle słoŭ Pinčuk, dypłamat vykazaŭ nadzieju, što Bialacki zmoža atrymać hetu premiju ŭžo vosieńniu ŭ Bierlinie.
***
- Premija Pietry Kieli z 1998 hoda prysudžajecca asobam ci hrupam asob za aktyŭny ŭdzieł u baraćbie za vykanańnie praŭ čałavieka, niehvałtoŭnaje vyrašeńnie kanfliktaŭ i abaronu navakolnaha asiarodździa. Premija była zasnavana ŭ pamiać viadomaj palityčnaj dziajački, jakaja brała ŭdzieł u stvareńni ŭ Hiermanii Partyi zialonych, Pietry Kieli (1947–1992). U apošnija hady ŭznaharody byli ŭdastojeny rasijski advakat i pravaabaronca Juryj Šmit, kitajski advakat Čžan Syčžy, aktyvistka pa abaronie pravoŭ čałavieka i ekałohii z Kienii Vanhary Maataj, jakaja paźniej stała łaŭreatam Nobieleŭskaj premii miru.
- 24 listapada 2011 hoda sud Pieršamajskaha rajona Minska pryznaŭ Bialackaha vinavatym va ŭtojvańni dachodaŭ u asabliva bujnym pamiery i pryhavaryŭ jaho da čatyroch z pałovaj hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Padstavaj dla kryminalnaha pieraśledu pravaabaroncy stała najaŭnaść u jaho zamiežnych rachunkaŭ u bankach Litvy i Polščy. Sud nie ŭziaŭ pad uvahu, što hetyja hrošy vykarystoŭvalisia dla pravaabarončaj dziejnaści. Taksama sud nie ŭziaŭ pad uvahu toje, što ŭron, jaki nibyta nanios Bialacki, byŭ poŭnaściu pahašany za košt dobraachvotnych achviaravańniaŭ hramadzian.
Bialacki adbyvaje pakarańnie ŭ babrujskaj papraŭčaj kałonii № 2, dzie pracuje ŭpakoŭščykam šviejnych vyrabaŭ.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary