Mahiloŭski rok-hurt uziaŭ pryz hladackich simpatyj na adnym z najbujniejšych polskich festaŭ.
«Seven Festival 2012» prajšoŭ dniami ŭ horadzie Venhaževa. U konkursie ŭdziejničali 15 hurtoŭ z roznych krainaŭ.
«Seven Festival» — heta adno z najbujniejšych polskich rok-mierapryjemstvaŭ. Fest arhanizujecca ŭžo bolš za 20 hadoŭ.Adzin ź jaho asnoŭnych elemientaŭ — mižnarodny konkurs, jaki staŭsia startavaj placoŭkaj dla takich zorak polskaj muzyčnaje sceny, jak Coma, Kombajn Do Zbierania Kur Po Wioskach, Sweet Noise. Žury konkursa adbiraje zvyčajna pa adnoj kamandzie na krainu. U 2010 hodzie na fest byŭ zaprošany D_tails ź Bieraścia, jaki ŭ vyniku atrymaŭ indyvidualnuju ŭznaharodu za najlepšaje vykanańnie kampazicyi Šapena. Ahułam
u Venhaževie za apošnija hady ad Biełarusi vystupili :B:N:, «Ściana», «Abšar», «Džambibum», «Kalmary» dy inšyja.
Sioletni fiestyval pa rašeńni žury vyjhraŭ polski hurt God's Gotta Boyfriend. Kamanda atrymała pryz u 2 tysiačy jeŭra, a taksama prava na zapis alboma ad sponsara.
Za adziny biełaruski hurt Zatoczka na śviacie prahałasavała bolšaść hledačoŭ. Muzyki byli pad mocnym uražeńniem ad taho, jak publika pryniała ich.
Hučnyja apładysmienty, śpievy dy zakliki: «Za-toč-ka! Za-toč-ka!» možna było pačuć jak na kancertnaj placoŭcy, tak i ŭdzień na vulicach Venhaževa, i ŭ namiotavym haradku festu.U jakaści ŭznaharody mahiloŭcy atrymali statuetku «Seven Festival» dy 500 jeŭra.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie18
Kamientary