Schiema ekspartu naftapraduktaŭ pad vyhladam nazvanych praduktaŭ naftachimii vybudavanaja dla atrymańnia zvyšprybytkaŭ.
Jany atrymlivajucca za košt sychodu ad vypłaty ekspartnaj pošliny na naftapradukty i adnačasna dla razhonu rostu VUP Biełarusi. Hety sumny fakt vynikaje z aficyjnaj statystyki.
Pavodle źviestak Biełstata, ekspart rastvaralnikaŭ i razbaŭlalnikaŭ ź Biełarusi ŭ I paŭhodździ 2012 skłaŭ 2,87 młn ton na sumu $ 2,526 młrd. Praktyčna ŭvieś abjom — 2,869 młn ton — byŭ pastaŭleny ŭ krainy Jeŭrapiejskaha Sajuza. U tym liku ekspart u Niderłandy skłaŭ 1,324 młn ton na $ 1,173 młrd, u Łatviju — 1,278 młn ton na $ 1,115 młrd, u Litvu — 254 tys. ton na 225,4 młn, piša Afn.by.
Jak vyśviatlajecca, biełaruskaja ekanomika ŭsio ž nie moža abychodzicca i biez sapraŭdnych rastvaralnikaŭ i składanych arhaničnych razbaŭlalnikaŭ, jakija ŭ krainie nie vyrablajucca. U I paŭhodździ 2012 hoda Biełaruś impartavała 2,335 tys. ton na sumu… usiaho tolki $ 5,3 młn. U tym liku 1,353 tys. ton było impartavana z Rasii na sumu $ 2,161 młn, 251 ton ź Italii na $ 635,1 tys., 235 ton sa Słavienii na $ 521,0 tys., 172 ton z Hiermanii na $ 739,6 tys., 134 tony z Polščy na 315,3 tys.
Kančatkovy prysud
Pavodle Biełstata, siaredniaja cana ekspartu rastvaralnikaŭ i razbaŭlalnikaŭ ź Biełarusi skłała $ 880 za tonu, jakaja «pa čystaj vypadkovaści» amal supadaje ź siaredniaj canoj ekspartu naftapraduktaŭ — $ 860 za tonu.
Miž tym, siaredniaja cana impartu ŭ krainu sapraŭdnych rastvaralnikaŭ i razbaŭlalnikaŭ skłała $ 2,3 tys. za tonu.
U ciapierašni momant rasijskija kampanii nie ažyćciaŭlajuć pastaŭku naftapraduktaŭ u Biełaruś, a kiraŭnictva RF sprabuje razabracca ŭ
Tak zvanaja vytvorčaść rastvaralnikaŭ i razbaŭlalnikaŭ ŭniesła istotny ŭkład u farmavańnie rostu VUP Biełarusi — 2,8% za 7 miesiacaŭ hetaha hoda.
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary