Śpiavačka Mirej Maćje paskardziłasia na «TV Centr»: adcenzuravali vykazvańnie pra Pussy Riot
Francuzskaja śpiavačka Mirej Maćje, jakaja ŭdzielničała ŭ Maskvie ŭ cyrymonii adkryćcia fiestyvalu «Spaskaja vieža», zapeŭnivaje, što jaje vystup u efiry rasijskaha telekanała «TV Centr» byŭ padvierhnuty cenzury.
U Maćje spytali, što jana jak viernica dumaje pra akcyju Pussy Riot. Katalička Maćje, ź jaje słovaŭ, adkazała: «Ja dumaju, što dziaŭčaty nie zusim uśviedamlali, što jany robiać, bo carkva — nie miesca dla demanstracyj. Možna demanstravać
U vykładzienym u internet intervju hetyja jaje słovy byli zabiaśpiečanyja sinchronam: «Mnie zdajecca, jany šalonyja, ja asudžaju ich dziejańni. Carkva — nie miesca dla takich akcyj. Carkva zaŭsiody była i budzie miescam, kudy ludzi prychodziać pa śviatło, pa ačyščeńnie dušy. Heta śviatoje miesca, jakoje treba pavažać, tym bolš ruskija cerkvy, u ich adčuvajecca takaja haračnaść i starannaść…»
Śpiavačka ž nastojvaje na tym, što dalej jana skazała: «Ale jak žančyna, artystka i chryścijanka ja prašu prabačyć hetych troch maładych dziaŭčat».
U sieradu žurnalisty AFP źviazalisia z kalehami z «TV Centra». Karespandent kanała Uładzisłaŭ Šakajan zapeŭniŭ ich, što intervju nie ŭtrymlivała słovaŭ pra prabačeńnie.
U čaćvier u hutarcy z žurnalistami Le Figaro toj ža pradstaŭnik kanała pryznaŭ, što fraza była, ale jaje vyčyściła z zapisu «maładaja žurnalistka», jakaja budzie za heta adchilenaja ad efiru. Zapis byŭ znojdzieny, identyfikavany i nieŭzabavie vyjdzie ŭ poŭnym vyhladzie.
Na sajcie «TV Centra» słovy pra «prabačeńnie» tak i nie źjavilisia.
Učora Minsk znoŭ zatapiła. Čamu stalica nie hatovaja da daždžoŭ?4
Kamientary