Biuro pa demakratyčnych instytutach i pravach čałavieka (BDIPČ) ABSIE hatova pracavać ź biełaruskimi ŭładami nad vyrašeńniem šerahu isnujučych u krainie prablem. Pra heta zajaviŭ kiraŭnik BDIPČ Janez Lanarčyč, jaki prybyŭ u Minsk na parłamienckija vybary.
«Jość prablemy, na jakija, ja miarkuju, Biełarusi varta źviarnuć uvahu», — skazaŭ palityk. Jon zaznačyŭ, što niekatoryja palityki vyrašyli źniać svaje kandydatury z parłamienckich vybaraŭ, chtości — nie byŭ zarehistravany, a niekatoryja — nie zmahli bałatavacca, tamu što znachodziacca ŭ turmie. «Usie hetyja faktary sadziejničali skaračeńniu mahčymaściej vybaru», — miarkuje kiraŭnik BDIPČ.
Lanarčyč zaznačyŭ, što pavodle rekamiendacyjaŭ BDIPČ ABSIE ŭ vybarčym zakanadaŭstvie Biełarusi adbylisia niekatoryja pazityŭnyja źmieny.Jon pryvitaŭ hetyja źmieny, nazvaŭšy «stanoŭčym raźvićciom» toj fakt, što «na hety raz bałatujecca bolš partyjnych kandydataŭ, čym u 2008 hodzie».
Razam z tym, padkreśliŭ Lanarčyč, toje, što doŭhaterminovyja naziralniki BDIPČ ABSIE bačyli ŭ minułyja tydni, u mnohim było padobna na parłamienckija
«My miarkujem, što nieabchodna ŭvažliva hlanuć na situacyju z vybarčym zakanadaŭstvam, rehistracyjaj kandydataŭ, mahčymaściami dla praviadzieńnia kampanij, z sumlennaściu daterminovaha hałasavańnia», — padkreśliŭ kiraŭnik BDIPČ.
Pakolki 23 vieraśnia — asnoŭny dzień hałasavańnia na parłamienckich vybarach, Janez Lanarčyč ustrymaŭsia ad acenak mienavita hetaha dnia. Jon tolki vykazaŭ nadzieju na toje, što «vybarčyja kamisii arhanizujuć padlik hałasoŭ sapraŭdy prazrystym čynam, kab naziralniki, uklučajučy mižnarodnych, zmahli nazirać».
Ciapier čytajuć
Maštabny zboj u troch biełaruskich bankach: z rachunkaŭ źnikajuć hrošy1
Kamientary