«Ułada sfalšavała vyniki vybaraŭ. Vybary ŭ Biełarusi nie adbylisia, i pałata pradstaŭnikoŭ nie abranaja. Bolšaść vybarcaŭ nie pryniali ŭdziełu ŭ psieŭdavybarach. Niaŭdzieł hramadzian u vybarach aznačaje bajkot», — havorycca ŭ zajavie.
«U Minsku pryniali ŭdzieł u hałasavańni tolki 34% vybarcaŭ, a va ŭsich bujnych haradach siaredniaja jaŭka skłała 43%», — adznačajuć padpisanty. «Pryčyna razychodžańnia z aficyjnymi vynikami vybaraŭ — paŭsiudnaje falšavańnie pratakołaŭ vybarčych kamisij z zavyšeńniem jaŭki vybarcaŭ amal u 2 razy i adsutnaść prazrystaha padliku hałasoŭ na ŭsich učastkach».
U dakumiencie pieraličvajucca typovyja parušeńni Zakonu ab vybarach:prymus da hałasavańnia; «karusieli», kali nieviadomyja asoby pa niekalki razoŭ hałasavali na roznych učastkach; ukidvańnie biuleteniaŭ za hramadzianaŭ, jakija nie pryjšli na ŭčastki; falšavańnie hałasavańnia na damu; naziralnikam nie dali mahčymaści bačyć padlik hałasoŭ.
Naziralniki kampanijaŭ «Za spraviadlivyja vybary» i «Pravaabaroncy za svabodnyja vybary» padali bolš za 1170 skarhaŭ na dziejańni vybarčych kamisij.
Zajavu padpisali pradstaŭniki:Biełaruskaj chryścijanskaj demakratyi, Abjadnanaj hramadzianskaj Partyi, Biełaruskaha Ruchu, «Jeŭrapiejskaj Biełarusi», Biełaruskaha prafsajuza REP, Maładoha Frontu, Rady intelihiencyi.
Vybary ŭ pałatu pradstaŭnikoŭ nacyjanalnaha schodu adbylisia ŭ Biełarusi 23 vieraśnia. Sa 110 deputataŭ abrana 109. Nivodzin z pradstaŭnikoŭ apazicyjnych palityčnych partyjaŭ i ruchaŭ nie trapiŭ u parłamient. Mižnarodnyja naziralniki ad ABSIE pryznali, što vybary nie adpaviadali demakratyčnym standartam.
Ciapier čytajuć
Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja5
Kamientary