Čarhovaja misija Mižnarodnaha valutnaha fonda ŭ spravie paślaprahramnaha manitorynhu budzie pracavać u Minsku 18 -- 29 kastryčnika. Misiju ŭznačalvaje Devid Hofman.
«Meta misii — praviadzieńnie treciaha postprahramnaha manitorynhu biełaruskaj ekanomiki. Paśla zakančeńnia pracy misii spravazdača budzie abmiarkoŭvacca Radaj dyrektaraŭ MVF», — zajaviŭ Interfaksu supracoŭnik ofisa MVF.
«Vizit misii daść mahčymaść biełaruskim uładam i supracoŭnikam fonda abmierkavać ekanamičnuju palityku ŭładaŭ i pierśpiektyvy raźvićcia nacyjanalnaj ekanomiki ŭ 2013 hodzie», — dadaŭ surazmoŭca.
2 kastryčnika ministr finansaŭ Biełarusi Andrej Charkaviec zajaviŭ, što kraina hatovaja vykonvać novuju kredytnuju prahramu Mižnarodnaha valutnaha fonda. Jon skazaŭ, što supracoŭnictva z MVF «nie źjaŭlajecca dla nas zakrytaj temaj», ale pryznaŭ što ŭ pieramovach z hetym fondam jość składanaści.
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły9
Kamientary