Bruselskaja dekłaracyja: 12 pradstaŭnikoŭ biełaruskaj apazicyi pryniali zvarot da kiraŭnictva ES
12 biełaruskich palityčnych sił pryniali sumiesny zvarot da ES.Sumiesnaja zajava padpisana ŭ Bruseli pradstaŭnikami «Jeŭrapiejskaj Biełarusi», partyi «Biełaruskaja chryścijanskaja demakratyja», Maładoha frontu, kampanii «Havary praŭdu!», Abjadnanaj hramadzianskaj partyi, partyi «Spraviadlivy śviet», Sajuza «Za madernizacyju», Biełaruskaj partyi «Zialonyja», Biełaruskaj
«My, nižejpadpisanyja, sabraŭšysia ŭ Bruseli 17 kastryčnika 2012 h., zaklikajem instytuty Jeŭrapiejskaha Sajuza prykłaści maksimum namahańniaŭ dla demakratyzacyi Biełarusi.Aceńvajučy pracu, jakuju praviali peŭnyja ŭstanovy i pryvatnyja asoby ES, my ličym, što nieabchodna aktyvizavać dziejnaść u hetym kirunku.
Zmahacca za svabodu i demakratyju ŭ našaj krainie było b našmat składaniej biez padtrymki i salidarnaści jeŭrapiejskich instytutaŭ. My razumiejem, što tolki biełaruski narod moža vyznačyć demakratyčnuju budučyniu krainy, ale dla taho, kab heta adbyłosia ŭ bližejšy čas, nam nieabchodnaja ŭsiebakovaja padtrymka z boku krain ES i samoha Jeŭrapiejskaha Sajuza.
Jeŭrapiejski Sajuz pavinien zaklikać da nieadkładnaha vyzvaleńnia ŭsich palityčnych źniavolenych i ich reabilitacyi, a taksama — da spynieńnia palityčnych represij.
Biełaruski narod zasłuhoŭvaje žyćcia ŭ tych ža ekanamičnych i palityčnych umovach, u jakich žyvuć krainy ES ciapier. My pierakananyja, što ŭ budučyni naša kraina stanie čalcom hetaj supolnaści», — havorycca ŭ zvarocie.
Alaksandr Atroščankaŭ (pa daručeńni Stanisłava Šuškieviča), Źmicier Bandarenka, Juraś Hubarevič, Siarhiej Kavalenka, Aleś Kirkievič, Aleś Michalevič, Uładzimir Navasiad, Aleh Novikaŭ, Vasil Palakoŭ, Vital Rymašeŭski, Uładzimir Siakierka, Siarhiej Vaźniak.
Ciapier čytajuć
Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie6
Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary