Ziejeva Bien-Arje vinavaciać u razhałošvańni dziaržaŭnaj tajamnicy.
Były pasoł Izraila ŭ Biełarusi Ziejeŭ Bien-Arje asudžany na čatyry miesiacy hramadskich rabot. Takoje rašeńnie vynies 28 kastryčnika miravy sud Jerusalima, paviedamlaje izrailski rasiejskamoŭny partał "Kursor".
Były ambasadar pryznany vinavatym u razhałošvańni dziaržaŭnaj tajamnicy i sprobach pieraškodzić chodu śledstva pa spravie ministra zamiežnych spraŭ Aŭihdora Libiermana.Pravaachoŭnyja orhany rasśledavali dziejnaść Libiermana ŭ 2001-2008 hadach, padazrajučy padkantrolnyja jamu kampanii ŭ atrymańni miljonaŭ dalaraŭ ad roznych biznesmienaŭ u jaho bytnaść deputatam kniesieta.
Śledstvu ŭdałosia vyśvietlić, što ŭ 2008 hodzie Bien-Arje atrymaŭ zapyt Ministerstva justycyi Izraila ab pradastaŭleńni biełaruskimi ŭładami infarmacyi pa spravie Libiermana. Zapyt byŭ paznačany hryfam "sakretna" i utrymlivaŭ śpis usich padazreńniaŭ u dačynieńni da Libiermana, a taksama infarmacyju ab dokaznaj bazie.Miniust cikaviŭsia źviestkami ab bankaŭskich rachunkach u Biełarusi i infarmacyjaj ab realnych uładalnikach rachunkaŭ, u asnoŭnym zarehistravanych na miascovyja kampanii.
Adnak Bien-Arje nie pieradaŭ zapyt biełaruskim uładam, a skapijavaŭ sakretnuju infarmacyju i paviedamiŭ jaje deputatu Libiermanu padčas jaho pryjezdu ŭ Biełaruś u kastryčniku 2008 hoda.
Ziejeŭ Bien-Arje svaju vinu pryznaŭ.
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły7
Kamientary