Pa fakcie vybuchu kala budynka upraŭleńnia KDB pa Viciebskaj vobłaści raspačata kryminalnaja sprava pa častcy 3 artykuła 339 KK (asabliva złosnaje chulihanstva).
Jak vynikaje z aficyjnaha paviedamleńnia centra infarmacyi i hramadskich suviaziaŭ (CIHS) Kamiteta dziaržbiaśpieki, vybuch adbyŭsia 11 listapada ŭ 18.48. Uzarvałasia «prymityŭnaje samarobnaje piratechničnaje prystasavańnie», u budynku paškodžany dva akny.
Pavodle papiarednich acenak, pryłada ŭjaŭlała saboj kardonny abo płastmasavy tubus,načynieny 50–70 hramami piratechničnaj sumiesi i pamieščany ŭ blašanku jomistaściu 0,25–0,33 litra biez paražalnych elemientaŭ, jakoje było pryviedziena ŭ dziejańnie šlacham padpału.
«U vyniku nieadkładnych śledčych dziejańniaŭ i na padstavie pakazańniaŭ śviedak zatrymany try čałavieki, adzin ź jakich sa źniešnimi prykmietami adchileńniaŭ ad narmalnych pavodzinaŭ raniej ažyćciaŭlaŭ telefonnyja zvanki va UKDB ź niekarektnymi vykazvańniami ŭ adras orhanaŭ ułady.Na miescy zdareńnia pracuje
Častka 3 artykuła 339 KK praduhledžvaje pakarańnie ŭ vyhladzie abmiežavańnia voli na termin ad troch da piaci hadoŭ abo pazbaŭleńniem voli na termin ad troch da dziesiaci hadoŭ.
Vybuch u Viciebsku adbyŭsia praz dva dni paśla adstaŭki staršyni KDB Vadzima Zajcava (jon adchileny ad pasady 9 listapada rašeńniem kiraŭnika dziaržavy), a taksama napiaredadni ŭvachodžańnia ŭ siłu źmianieńniaŭ i dapaŭnieńniaŭ u zakony ab baraćbie z teraryzmam, ab supraćdziejańni ekstremizmu i ŭ niekatoryja artykuły Kryminalnaha kodeksa (jany nabyli moc 12 listapada).
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary