U Miensku adbyŭsia I Maładziovy fest videarolikaŭ «Kinahrań»
25-26 krasavika ŭ mienskim kinateatry «Centralny» pad apiekaj Biełdziaržuniversytetu j Mienharvykankamu prajšoŭ maładziovy videafest.
25-26 krasavika ŭ mienskim kinateatry «Centralny» prajšoŭ I Adkryty maładziovy haradzki fest videarolikaŭ «Kinahrań». Ideja akcyi naradziłasia ŭ Biełdziaržuniversytecie – i znajšła padtrymku ŭ Mienharvykankamie.
Maładyja ludzi pradstavili na fest 44 pracy. Pieravažnaja bolšaść ź ich źniataja na studyi STS Biełaruskaha ŭniversytetu, byli roliki, stvoranyja ŭ Akademii mastactva – i navat u škole.
Stužki byli raźmierkavanyja pavodle naminacyj:
«Moj Miensk» (pieramoh narys «Horad majho supakoju» Mašy Kuračovaj)
«Serca na dałoni» («Žyvi..» Taciany Mastykinaj)
«Student's life» («Sumleńnie» Aleny j Alaksieja Rabčanki – chatniaja zamaloŭka-klip pra studentak, jakija rychtujuć šparhałki)
«Najlepšaja aperatarskaja praca» («Tak kazaŭ Kahi» Alaksieja Maroza j Fiodara Niemcava – za dzivosnyja rakursy žanhlora)
«Najlepšaja ihravaja stužka» («Lalka» Aleny Dzienisievič – pra hierainiu, jakaja śnić dziciačyja kašmary)
«Najlepšaja dakumentalnaja stužka» («Raskažy mnie, vobłaka» Andreja Kuciły – pra chvorych dzietak, jakim pryvieźli lalku).
Chacia karciny byli stvoranyja amatarami dyj pačatkoŭcami, u ich jość žyvaść i zaŭvažny patencyjał.
Tak student Biełaruskaha ŭniversytetu Andrej Kuciła pradstaviŭ na feście adrazu niekalki svaich filmaŭ, jakija jon zrabiŭ sam, ci z udziełam siabroŭ (tvorčaje abjadnańnie KNR – Kuciła, Nalivajka, Ramaško). Ichnija stužki vyłučajucca siužetam, aperatarskaj i režyserskaj pracaj. «Spatkańnie» - ihravy žart pra luboŭnuju sustreču; «Blizkaje-dalokaje» - paetyčny narys pra Žyrovičy, a «Radyjokropka» - niestandartny partret viaskovaje Biełarusi.
Siabry žury Ludmiła Pierahudava j Siarhiej Kaćjer paprasili maładych aŭtaraŭ pakazać filmy j na inšych videaakcyjach.
Roliki I Maładziovaha festu možna pahladzieć na sajcie ITV.by.
Taksama 27 krasavika ŭ «Domie kino» a 19.00 kinavideaprakat i Biełaruskaja Akademija mastactvaŭ pradstaŭlaje «Kina-art pa-biełarusku», dzie taksama buduć inšyja stužki maładych tvorcaŭ.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary