Kanferencyja «Zmahary za vieru sustrakajucca z moładździu», jakuju ładziŭ niezarehistravany «Małady front», prajšła ŭ najlepšych tradycyjach dysydenctva.
Udzielniki sabralisia ŭ pryznačanym miescy (kala Pałacu sportu), adkul pravadnik zavioŭ usich «na jaŭku». U imprezie brali ŭdzieł «veterany»-pratestanty: 72-hadovy śviatar Ernst Sabiła j 83-hadovy viernik Ŭładzimier Kanatuš. Abodva pakaštavali savieckaha lahieru.
U.Kanatuš trapiŭ tudy ŭ 1950 h. na piać hadoŭ: «Ja navat Bibliju mieŭ, choć było zabaroniena. Mnie prysłali cybulu, zahornutuju ŭ staronki ź Biblii. Ja ich sšyŭ i trymaŭ kala siabie». Padčas pieratrusaŭ kłaŭ Bibliju pad dva tamy Dastajeŭskaha: pahladziać adnu knihu źvierchu, druhuju, a nižniuju ŭžo i nie čapajuć. Kali Bibliju zabirali-taki, Kanatuš išoŭ da načalstva j kazaŭ: «Vy viedajecie, što ja siadžu za vieru, tamu addajcie mnie Knihu».
Poŭny varyjant artykułu hladzicie ŭ hazecie "Naša Niva".
Kamientary