Na Połaččynie źjaviłasia čarhovaja novaja hazeta — «ART Prośpiekt».
Pakul što jana vychodzić nakładam 299 asobnikaŭ, ale jaje zasnavalnik, navapołacki biznesoviec, uładalnik klubu «Night City» Artur Asnovin planuje zarehistravać u Mindruku svajo vydańnie i ŭklučycca na miascovym infarmacyjnym rynku ŭ baraćbu za čytača. Raniej hety peryjodyk vychodziŭ dadatkam da hazety «Inform-plus». Paśla taho jak «I+», samuju masavuju hazetu Połaččyny (8 tys. asobnikaŭ), nabyŭ biznesoviec Ŭładzimier Zacharaŭ, stała zrazumieła, što «ART-u» daviadziecca mianiać «miesca dyślakacyi», bo abodva hetyja pradprymalniki majuć svaje ŭłasnyja intaresy ŭ handlovym biznesie. Redaktar «ART Prośpiekta» Siarhiej Bałaj paviedamiŭ, što kancepcyja vydańnia budzie raniejšaja: žyćcio klubu «Night City», raspoviedy pra estradnych vykanaŭcaŭ, kulturnyja padziei rehijonu, navinki videa-, aŭdyjo- i kamputarnych hulniaŭ. Redakcyja hazety pakul znachodzicca ŭ stadyi farmavańnia kalektyvu, a asobniki pradajucca ŭ handlovych kropkach sp.Asnovina.
U rehijonie vychodziać taksama svaja spartovaja hazeta «Overtajm» i jašče kala dziesiaci infarmacyjnych dy reklamnych hazet, pracujuć dva retranślacyjnyja telekanały «Kvant» i «Skif» dy adzin kabelny — «Vektar», FM-stancyja «Eŭropa-plus Połacak». Tolki dźvie miascovyja hazety, «Połacki vieśnik» i «Novaja hazieta», źjaŭlajucca vykankamaŭskimi. Ź niezaležnych peryjodykaŭ samy aŭtarytetny — hazeta «Chimik». Bolš za 90% ŚMI Połaččyny finansujucca ź miascovych krynicaŭ. Usio čaściej połacki biznes układaje svaje hrošy ŭ srodki masavaj infarmacyi.
Tamaš Hurba, Połacak
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary