Рыхтуецца трансгенная бульба
У найбліжэйшыя сем-восем гадоў у Беларусі зьявіцца трансгенная бульба, устойлівая да калярадзкага жука. Акадэмія навук ужо распрацоўвае ген устойлівасьці. Пра гэта заявіў на прэс-канфэрэнцыі ў Менску намесьнік кіраўніка Нацыянальнага каардынацыйнага цэнтру біябясьпекі Барыс Аношанка. Ён таксама лічыць беспадстаўнымі непакоі, што жук хутка прыстасуецца да трансгеннай бульбы.
Зьніжэньне стаўкі рэфінансаваньня
Стаўка рэфінсаваньня і ўліковая стаўка Нацбанку з 20 ліпеня зьніжана на адзін працэнтны пункт, да 12% гадавых. Гэта пятае зьніжэньне стаўкі сёлета, папярэдняя стаўка была ўсталявана з 1 чэрвеня.
Несуцяшальныя лічбы
Каля 75 тыс. чалавек памірае штогод ад захворваньняў сыстэмы кровазвароту. Пра гэта паведаміў журналістам дырэктар НДІ «Кардыялёгія» Ігар Адзярыха. Цяпер у краіне зарэгістравана 1,7 млн чалавек, што пакутуюць на такія хваробы, і з кожны годам такая лічба расьце.
Вандалізм па-магілёўску
Невядомыя нахілілі да зямлі ўсталяваны ў абласным цэнтры мэталічны крыж памяці ахвяраў Чарнобылю. Мясцовыя актывісты кажуць, што зроблена гэта было з дапамогай аўтамабільнага тросу. Цяпер для выпраўленьня крыжа патрэбная тэхніка — падняць яго рукамі немагчыма.
Зірні на Месяц
Незвычайна вялікі Месяц можна пабачыць у ноч на пятніцу. Ля апоўначы ён пройдзе цераз пэрыгей — найбліжэйшую да Зямлі кропку месяцавай арбіты. Адлегласьць ад Месяца да Зямлі складзе 360 тыс. км. Калі ён зьявіцца над даляглядам, яго плошча візуальна павялічыцца на траціну. Такая зьява назіраецца раз на 20 год.
АГ; belapan.com, svaboda.org
Фіналістак конкурсу «Міс Беларусь — 2025» вывелі на сцэну ў касцюмах з цытатамі Лукашэнкі19
Каментары