Этыёпы праляцелі
Міністэрства ўнутраных спраў адмовіла этыёпскім пілётам, што зьвярнуліся да беларускіх уладаў з просьбай аб палітычным прытулку. Прадстаўнікам афрыканскае краіны вернуты пашпарты, аднак у іх ёсьць яшчэ месяц, каб абскардзіць рашэньне ў судзе. Замежнае палітычнае ведамства Беларусі аргумэнтуе адмову тым, што палітычная сытуацыя ў Этыёпіі стабільная. Тым часам замежныя праваабаронцы называюць прычынай адмовы гешэфты беларускага і этыёпскага ўрадаў.
Вымовы ўсім
Прэзыдэнт Беларусі за «незабесьпячэньне належнай арганізацыі выкананьня і кантролю за выкананьнем даручэньняў кіраўніка дзяржавы ў першым паўгодзьдзі аб’явіў вымову першаму віцэ-прэм’еру У.Сямашку, намесьнікам прэм’ер-міністра І.Бамбізу, В.Гапееву, У.Дражыну, А.Кабякову, міністру абароны Л.Мальцаву. Заўвагі атрымалі кіраўнікі аблвыканкамаў А.Якабсон, У.Саўчанка, Б.Батура ды старшыня Менскага гарвыканкаму М.Паўлаў. Прэм’ер-міністру С.Сідорскаму, кіраўніку адміністрацыі В.Шэйману ды старшыні КДК А.Тозіку «зьвернута ўвага»
на недастатовую працу па забесьпячэньні няўхільнага выкананьня даручэньняў кіраўніка дзяржавы.
Новы пасол Літвы
У пятніцу даверчыя граматы кіраўніку дзяржавы ўручыць новы пасол Літвы. Пятрасу Вайцякунасу 52 гады, ён быў сябрам т.зв. пераходнага Вярхоўнага Савету Літвы, што прынёс нашым суседзям доўгачаканую незалежнасьць. Да прызначэньня ў Менск Вайцякунас працаваў паслом у Латвіі ды па асаблівых даручэньнях Міністэрства замежных спраў.
Гандбалісты атрымалі супернікаў
27 ліпеня прайшло лёсаваньне эўрапейскіх кубкавых турніраў сэзону 2005/2006. Чэмпіён Беларусі Берасьцейскі гандбольны клюб імя Мяшкова ў кваліфікацыі Лігі чэмпіёнаў згуляе з нарвэскім «Сандэрф’ёрдам». Дзяўчаты з БНТУ на першай стадыі Лігі чэмпіёнаў згуляюць з францускім «Мэцам», а «Гараднічанка» — з кіпрскім «Юс Юніёнам». Матчы 3—4 і 10—11 верасьня, калі беларусы чарговы раз не пагодзяцца праводзіць матчы ў гасьцях. Лёсаваньне рэшты эўракубкаў пройдзе 16 жніўня.
АГ, afn.by, svaboda.org
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары