Дэпутаты прынялі да ведама дэкрэт №9 Лукашэнкі. Самасейка: Прыцішце запал
Дэпутаты палаты прадстаўнікоў нацыянальнага сходу на пасяджэнні 17 снежня прынялі да ведама неадназначна успрыняты ў грамадстве дэкрэт Лукашэнкі № 9 «Аб дадатковых мерах па развіцці дрэваапрацоўчай прамысловасці».
Як паведаміў старшыня парламенцкай камісіі па працы і сацыяльнай палітыцы Уладзімір Васіленка, праект адпаведнай пастановы накіроўваўся ва ўсе камісіі
і ніякіх заўваг па ім ад дэпутатаў не паступала.
Дэпутат Мікалай Самасейка заявіў, што «з юрыдычнага пункту гледжання дэкрэт абсалютна ўпісваецца ў працоўнае заканадаўства і не супярэчыць яму».
«Асобам, якія папракаюць ўладу ў звароце да рабства, я б параіў прыцішыць свой запал», — сказаў ён.
Нагадаем, дэкрэт № 9 абмяжоўвае працоўныя правы работнікаў дрэваапрацоўчых прадпрыемстваў. У прыватнасці, усе яны павінны быць пераведзены на кантрактную форму найму, прычым датэрміновае скасаванне кантрактаў у перыяд рэалізацыі інвестыцыйных праектаў (па словах міністра працы і сацыяльнай абароны Марыяны Шчоткінай, гэта 2013–2014 гады) па ініцыятыве работнікаў дапускаецца толькі са згоды наймальніка. Адмова наймальніка ў скасаванні кантракту можа быць абскарджаны старшыні абласнога (Мінскага гарадскога) выканаўчага камітэта.
У выпадку парушэння работнікамі гэтых прадпрыемстваў сваіх працоўных абавязкаў і звальнення яны павінны пакрыць грашовыя выплаты, якія будуць налічвацца ім дадаткова да заробку.
Пры невяртанні гэтых выплат былымі работнікамі спагнанне гэтых сродкаў будзе ажыццяўляцца па рашэнні суда з іх працоўнага заробку па новым месцы працы. Асобы, якія не знаходзяцца ў працоўных адносінах, падлягаюць працаўладкаванню на ранейшае месца працы з наступным утрыманнем раней выплачаных грашовых сродкаў з іх заработнай платы» , — сказана ў дэкрэце.
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў4
Каментары