Узбекістан афіцыйна прыпыніў членства ў Арганізацыі Дагавора аб калектыўнай бяспецы, паслабленняў для ўступлення ў арганізацыю ў Ташкента не будзе, заявіў 19 снежня ў Маскве на сесіі Савета калектыўнай бяспекі АДКБ кіраўнік беларускай дзяржавы Аляксандр Лукашэнка.
«Мы задаволілі іх просьбу і спынілі, прыпынілі іх членства (Узбекістана) у АДКБ», — цытуе Лукашэнку РІА Новости. Паводле яго слоў, краіны АДКБ таксама дамовіліся аб тым, што «ніякіх паслабленняў пры ўступленні (у арганізацыю), у тым ліку гэтай дзяржаве, больш не будзе».
У канцы чэрвеня Узбекістан накіраваў у сакратарыят АДКБ ноту аб прыпыненні свайго ўдзелу ў дзейнасці арганізацыі. Узбекістан раней ужо выходзіў з АДКБ: у 1999 годзе Ташкент адмовіўся прадоўжыць дагавор, аднак у жніўні 2006 года Узбекістан аднавіў членства ў АДКБ — следам за пахаладаннем адносінаў з Захадам у сувязі з крытыкай ім жорсткага разгону беспарадкаў у Андзіжане ў 2005 годзе.
Удзельнікамі АДКБ застаюцца Арменія, Беларусь, Казахстан, Кыргызстан, Расія і Таджыкістан. Арганізацыя Дагавора аб калектыўнай бяспецы была створаная на аснове Дагавора аб калектыўнай бяспецы, падпісанага 15 мая 1992 года краінамі — членамі СНД.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос8
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4848
Каментары