Лідэр Кансерватыўна-хрысціянскай партыі БНФ Зянон Пазняк крытычна выказаўся пра спробы прадстаўнікоў ЕС наладзіць дыялог з беларускімі ўладамі.
Як гаворыцца ў заяве Зянона Пазняка, апошнія паўгода ў ЕС ішла ўпартая праца па наладжванні супрацоўніцтва з антыбеларускім рэжымам Лукашэнкі. Паводле яго, гэтая тэндэнцыя выклікана заўважнай актывізацыяй на Захадзе лабістаў рэжыму, дыпламатыі і агентуры. Справа разгорнута настолькі шырока, што некаторыя дзеячы з былых савецкіх сяброў ЕС не без падставы загаварылі пра ўзмоцненую дзейнасць разведак, як у перыяд «халоднай вайны», адзначае палітык.
Спадзявацца ад Лукашэнкі «мадэрнізацыі Беларусі» і «вольных сумленных выбараў» могуць толькі «людзі не ад свету гэтага альбо закончаныя нягоднікі, -заяўляе Зянон Пазняк. - Еўрабюракратыі напляваць на наша гора, на нашае нацыянальнае вынішчэнне і наш Чарнобыль. Яны ўвесь час дэманструюць гэта (глядзіце адносіны да С. Каваленкі)».
Чарговая калабарацыя закруцілася сур’ёзна і згоднікаў шмат. Але ёсць і цвярозыя сілы супраціўлення і прыхільнікі Беларусі, лічыць лідар КХП БНФ.
Дык усё ж ці бяспечны Telegram і для якіх мэтаў бяспечны? Вось што ясна на сёння11
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары