Здароўе2626

Майкл Дуглас звязаў свой рак з аральным сэксам

Навукоўцы пацвярджаюць: рэзкі рост выпадкаў раку горла тлумачыцца вірусам папіломы, які перадаецца пры аральным сэксе.

«Не курэнне і не алкаголь выклікалі ў мяне захворванне. Я думаю, што прычына ў аральным сэксе і вірусе папіломы чалавека», — прызнаўся 68-гадовы Майкл Дуглас у інтэрв’ю брытанскай газеце The Guardian. Анкалагічнае захворванне здарылася ў яго ў 2010 годзе.

Навуковыя даследаванні пацвярджаюць ягоныя словы. Папіломавірус чалавека (ПВЧ) да нядаўняга часу звязвалі з вялікай жаночай праблемай — ракам шыйкі маткі. Але два гады таму прафесарка Мора Джылісан з універсітэта штата Агаё (ЗША) апублікавала шакуючыя вынікі свайго даследавання, якія даказалі, што гэтая праблема датычыць таксама мужчын.

Яна выявіла, што рост колькасці выпадкаў раку паражніны рота ў амерыканскіх мужчын на 225% не можа тлумачыцца наступствамі тытуню і віскі, бо іх спажыванне нават упала. Прычына — у росце распаўсюджанасці аральнага сэксу. Хвароба часцей здаралася ў людзей, якія ў мінулым займаліся аральным сэксам са шматлікімі людзьмі. Асабліва выразна рызыка прасочвалася ў тых, хто меў за жыццё больш чым шэсць каханак. Даследаванні, праведзеныя ў ЗША, паказваюць, што гэты тып раку здараецца ў іх у восем разоў часцей!

Да аналагічных высноваў паралельна прыйшлі еўрапейскія навукоўцы. The Guardian паведамляе, што ў Брытаніі колькасць выпадкаў раку паражніны рота ў мужчын з 1989 года вырасла агулам на 50%, хоць колькасць курцоў увесь час падала.

ПВЧ паражае не толькі рот, але і горла, і гартань.

Папіломавірус перадаецца толькі ад чалавека да чалавека. Ён выклікае змену характару росту тканак. Ягонай праявай з’яўляюцца востраканцовыя кандыломы і бародаўкі на полавых органах. Перадаецца ён не толькі полавым шляхам, але часам і пабытовым. Ён здольны нейкі час існаваць у лазнях, басейнах і г.д., застаецца на целе пасля дакранання і трапляе ў пашкоджаную скуру. Лічыцца, што носьбіткамі віруса на сёння з’яўляюцца каля 30% жанчын.

Каментары26

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7

«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў

Усе навіны →
Усе навіны

Турцыя — ад 1600 еўра, Егіпет — каля 1800 долараў, і «танны» Тайланд. Колькі каштуе летні адпачынак з вылетам з Мінска

Выйшаў «Ліла і Сціч» — на дзіва кранальны фільм, які выбіўся ў топ па зборах у пракаце

Верхні горад і Ракаўскае прадмесце чакае вялікае пераўтварэнне. Што зменіцца?3

Актывісты Greenpeace у Парыжы скралі з музея васковую фігуру Макрона і прынеслі яе да пасольства Расіі1

Ці атрымаецца ва ўладаў вярнуць дзяцей мігрантаў у беларускія школы? Наўрад ці, але яны спрабуюць — прымусова37

Украіна пачала вытворчасць дронаў-перахопнікаў для змагання з шахедамі1

Дональд Туск звернецца да Сейма з просьбай пра вотум даверу для ўрада

Зянон Пазняк адправіў сардэчныя віншаванні Каралю Наўроцкаму57

Уладзімір Цэслер па-мастацку адрэагаваў на бульбяны дэфіцыт у Беларусі

больш чытаных навін
больш лайканых навін

«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7

«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў

Галоўнае
Усе навіны →

Заўвага:

 

 

 

 

Закрыць Паведаміць