З 1 па 10 ліпеня гэтага году 1 трлн рублёў быў зьняты з рублёвых укладаў, і гэткая ж сума ў эквіваленце прыйшла на валютныя ўклады. Акрамя таго, насельніцтва купіла яшчэ 130 млн даляраў, якія засталіся на руках.
Старшыня Нацбанку Беларусі Надзея Ермакова адзначыла, што ўжо павялічыліся да 32–35% гадавых працэнтныя стаўкі па тэрміновых дэпазытах, сэртыфікатах Белаграпрамбанку і Беларусбанку.
«Стаўкі высокія, значыць, нявыгадна пераводзіць беларускія рублі ў валюту», — цытуе БЕЛТА Ермакову.
Старшыня Нацбанку цьвердзіць, што недахопу валюты ў абменьніках няма.
«На гэтым тыдні работнікі цэнтральнага апарату Нацбанку, галоўных упраўленьняў у рэгіёнах правялі абсьледаваньне 470 абменьнікаў. Валюты хапае. Так што чуткі пра вялікія чэргі ў абменьніках моцна перабольшаныя», — сказала кіраўніца Нацбанку.
Цяпер чытаюць
Святлана Алексіевіч расказала, якую кнігу выпусціць наступнай. Яна не пра каханне, як планавалася раней1
Каментары