Віцебскія чыноўнікі набываюць «Шкода Суперб» за 310 мільёнаў рублёў
Інспекцыя Дэпартамента кантролю і нагляду за будаўніцтвам па Віцебскай вобласці размясціла тэндар на закупку легкавога аўтамабіля «Шкода Суперб» за 310 мільёнаў рублёў (каля 26000 еўра), паведамляе сайт «Народныя навіны Віцебска».
Згодна з патрабаваннямі тэндару, гэта павінен быць аўтамабіль з бензінавым рухавіком аб’ёмам 1,8 літра, з механічнай 6-ступеністай скрынкай перадач, выфарбаваны ў чорны, шэры або серабрысты металічны колер.
У прайсе беларускіх дылераў «Шкоды» цана 25.750 еўра ўсталяваная на «Шкода Суперб» камплектацыі «Ambition» з кузавам хэтчбэк.
Гэтая камплектацыя адрозніваецца ад базавай бартавым камп’ютарам Maxi DOT, адліванымі дыскамі колаў, храміраваннем некаторых дэталяў, падсветкай дзвярных ручак звонку, дадатковымі рэчавымі адсекамі і шэрагам іншых дробязяў.
Нагадаем, што падобны аўтамабіль хоча купіць таксама і абласное ўпраўленне МНС. Праўда, у адрозненне ад ратавальнікаў, інспекцыя Дэпартамента кантролю і нагляду за будаўніцтвам фінансуе закупку з уласных сродкаў, а не бюджэту Віцебскай вобласці.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары