Актывісты магілёўскай гарадской арганізацыі ТБМ прапанавалі ўладам устанавіць два банеры з выказваннямі Янкі Купалы і Уладзіміра Караткевіча пра Магілёў.
Як паведаміў старшыня арганізацыі Алег Дзьячкоў на нядаўняй сустрэчы ў Магілёўскім аблвыканкаме старшыня гарвыканкама Уладзімір Цумараў станоўча ўспрыняў прапанову аб устанаўленні банера са словамі пра Магілёў, узятымі з твора Уладзіміра Караткевіча «Сівая легенда». «Цумараў даў распараджэнне сваім падначаленым распрацаваць варыянты афармлення гэтага стэнда», — зазначыў Дзьячкоў.
Таксама ТБМ прапанавала эскіз банера з вытрымкамі з паэмы Янкі Купалы «Магіла льва». Начальнік галоўнага ўпраўлення ідэалагічнай працы, культуры і па справах моладзі Анатоль Сінкавец адказаў, што ўлады будуць шукаць месца, дзе можна ўстанавіць такі стэнд.
Паводле слоў грамадскага актывіста, магілёўскія ўлады падтрымалі меркаванне ТБМ пра неабходнасць больш частага выкарыстання беларускай мовы ў надпісах і ўказальніках у Магілёве і раёнах.
»Напрыклад, завяршылася рэканструкцыя трасы Магілёў — Мінск, і дарожны ўказальнік зрабілі на рускай мове, хоць раней ён быў на беларускай. Тое ж самае было ў Дрыбіне, калі перарабілі ўказальнікі з беларускай на рускую. Малашка сказаў, што гэта было зроблена не наўмысна, а па недаглядзе чыноўнікаў. А Сінкавец паабяцаў, што дасць распараджэнне ідэолагам і адпаведным установам, каб у далейшым рабілі ўказальнікі на беларускай мове», — сказаў Алег Дзьячкоў.
Цяпер чытаюць
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары