Найвышэйшая судовая інстанцыя Расеі пагадзілася з Генпракуратурай, якая мяркуе, што расстрэл Раманавых быў звычайным забойствам, а не палітрэпрэсіяй.
Юрысты імпэратарскай сям’і ўжо заявілі, што маюць намер зьвярнуцца ў Эўрапейскі суд па правах чалавека.
«Адмаўляючы ў рэабілітацыі царскай сям’і, дзяржава бярэ на сябе адказнасьць за ўчыненыя супраць іх злачынствы, — заявіў адвакат Герман Лук’янаў. — І Страсбурскі суд, без сумненьня, гэта пацьвердзіць. Але нам вельмі б хацелася, каб справядлівасьць перамагла на роднай зямлі».
Напярэдадні паседжаньня Вярхоўнага суду, на якім было канчаткова вырашана пытаньне аб рэабілітацыі Раманавых, адвакаты царскай сям’і выступалі перад журналістамі. Як сказаў дырэктар канцылярыі Расейскага імпэратарскага дому Аляксандар Закатаў, разгляд справы аб рэабілітацыі апошняга расейскага цара і яго сям’і цягнуўся два гады.
Упершыню з заявай у Генпракуратуру кіраўнік расейскага імпэратарскага дому княгіня Марыя Ўладзімераўна зьвярнулася яшчэ 1 сьнежня 2005 г. і атрымала адмову.
Трамп заявіў, што вядзе з Лукашэнкам перамовы пра вызваленне часткі з 1400 палітвязняў9
Каментары