Упраўленнем Следчага камітэта па Брэсцкай вобласці расследуецца крымінальная справа па факце гібелі на паляванні 33-гадовага мужчыны.
Як паведамілі ва УСК, следствам устаноўлена, што два браты — жыхары Івацэвічаў у ноч на 20 ліпеня палявалі блізу вёскі Сенькавічы Івацэвіцкага раёна. У выніку няўзгодненасці дзеянняў, няўважлівасці, ігнаруючы неабходную прадбачлівасць падчас палявання, а таксама не ўпэўніўшыся ў бяспецы сваіх дзеянняў, 38-гадовы мужчына выстраліў з паляўнічай зброі ў свайго малодшага брата, прыняўшы яго да дзікую жывёліну. У выніку атрыманых цялесных пашкоджанняў апошні памёр.
Падчас агляду месца здарэння следчымі канфіскаваныя паляўнічыя стрэльбы, гільза і патроны. Прызначаны шэраг судовых экспертыз.
Дзеянні падазронага кваліфікаваныя па ч. 1 арт. 144 КК (нанясенне смерці па неасцярожнасці). Ён затрыманы. Вырашаецца пытанне аб абранні меры стрымання.
Цяпер чытаюць
Як склалася ў эміграцыі жыццё 22‑гадовай «тэрарысткі» Дануты Перадні, якую вызвалілі па памілаванні2
Каментары