У Кастопалі Ровенскай вобласці праваахоўнікі пачалі расследаванне па факце з'яўлення «надмагільнага» помніка з партрэтам прэзідэнта Расіі Уладзіміра Пуціна, паведаміла «Украінскім навінам» крыніца ў Кастопальскім райаддзеле міліцыі.
Паводле яго слоў, 6 жніўня раённая арганізацыя партыі «Правы сектар» правяла акцыю «пахаванне Пуціна» і паставіла на ўездзе ў Кастопаль з боку Роўна надмагілле з яго выявай. Пад фота на помніку надпіс: «1952.10.07 г.» і «9 мая».
Акцыю ініцыяваў старшыня Кастопальскай арганізацыі «Правага сектара» Міхаіл Сцяпчук.
«Зараз у Украіне дзейнічаюць фашысты, якія забіваюць нашых братоў, а мы і далей гуляем у гэтую палеміку і перамовы. Трэба рэальна паказваць усяму свету, хто фашыст, і як ён робіць з людзьмі», — адзначыў Сцяпчук.
Справа распачата па арт. 296 Крымінальнага кодэкса Украіны (хуліганства).
Цяпер чытаюць
Дык усё ж ці бяспечны Telegram і для якіх мэтаў бяспечны? Вось што ясна на сёння2
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары