Сустрэчы з удзелам прэзідэнтаў мытнай «тройкі» і, магчыма, Украіны плануюцца ў бліжэйшы час, паведаміў Аляксандр Лукашэнка, прымаючы сёння лідэраў кампартый Расіі і Украіны Генадзя Зюганава і Пятра Сіманенка.
Зюганаў і Сіманенка прыбылі ў Мінск для абмеркавання сітуацыі ва Украіне і сумесных дзеяннях для прадухілення забароны кампартыі Украіны.
Перамовы пачаліся раніцай у мінскім гатэлі «Еўропа» з удзелам першага сакратара ЦК Камуністычнай партыі Беларусі Ігара Карпенкі.
«У бліжэйшы час мы плануем — прэзідэнты Беларусі, Расіі, Казахстана, Украіны (калі Украіна на гэта пойдзе) — правесці шэраг сустрэч для таго, каб прынцыпова абмеркаваць, што ж адбываецца тут у нас», — цытуе Лукашэнку дзяржаўнае агенцтва БелТА.
«Хто б калі-небудзь мог падумаць, што сярод трох дзяржаў, славянскіх, самых блізкіх і родных народаў можа ўзнікнуць такая каша на поўдні нашай, не пабаюся гэтага слова, айчыны», — сказаў Лукашэнка.
«Зразумела імкненне амерыканцаў, еўрапейцаў. Я яшчэ ў самым пачатку сказаў, што нам трэба апасацца, нас будуць уцягваць у гэту бойню, як у варонку, каб стварыць тут не проста ачаг напружанасці, а тое, што адбываецца цяпер, — спарадзіць новую вайну. І гэта будзе вайна вельмі небяспечная. На гэта ўвагу тады ніхто не звярнуў. І паглядзіце, што адбываецца», — падкрэсліў ён.
Звяртаючыся да Зюганаву і Сіманенкі, Лукашэнка адзначыў, што для яго вельмі важна пачуць альтэрнатыўны пункт гледжання як з Масквы, так і з Кіева з нагоды развіцця сітуацыі.
Тым часам прэс-служба прэзідэнта Казахстана паведамляе, што
«Расія і Казахстан разглядаюць магчымасць прыняцця сумесных крокаў па правядзенні прамых перамоваў з прэзідэнтам Украіны Пятром Парашэнкам».
Гэтае пытанне Уладзімір Пуцін і Нурсултан Назарбаеў абмяркоўвалі падчас тэлефоннай размовы.
«Кіраўнікі дзвюх дзяржаў абмяняліся думкамі аб крызіснай сітуацыі ва Украіне, а таксама аб магчымым прыняцці сумесных крокаў па правядзенні прамых перамоваў з прэзідэнтам Украіны ў розных фарматах, у тым ліку ў рамках сустрэчы з членамі Мытнага саюза і Украіны ці пазачарговага пасяджэння Савета кіраўнікоў дзяржаў СНД», — сказана ў паведамленні прэс-службы.
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары