Міністр замежных справаў Украіны Павал Клімкін паведаміў, што магілу Сцяпана Бандэры ў Мюнхене спрабавалі раскапаць, зламалі крыж.
Кіраўнік МЗС Украіны Павел Клімкін расказаў, што вандалы зламалі крыж на магіле і спрабавалі яе раскапаць.
«Магілу Бандэры ў Мюнхене не падарвалі. Вандалы зламалі крыж і пачалі раскопваць магілу. Консул і паліцыя ўжо там», — гаворыцца ў паведамленні Клімкіна ў Twitter.
Ён таксама паабяцаў, што «справу буду кантраляваць асабіста і папрашу калегу Штайнмаера [Клімкін зараз у Берліне, дзе сустракаецца з кіраўніком МЗС Германіі і расійскім міністрам Лаўровым — НН] таксама падтрымаць нас. Нямецкая паліцыя павінна спрацаваць».
Бандэра быў лідарам Арганізацыі ўкраінскіх нацыяналістаў, што са зброяй у руках змагалася за незалежнасць Украіны супраць акупантаў, якімі яна лічылі і палякаў, і саветаў, і немцаў.
У 1941 годзе нацысты арыштавалі яго, і ён да канца вайны сядзеў у канцлагеры Заксэнхаўзэн. Забіў яго ў 1959 годзе агент савецкага КГБ, які пасля пакаяўся ва ўчыненым і перабег на Захад.
Цяпер чытаюць
Ціханоўскі — беларусам: «Калі вы чакалі знак, то вось ён». Праходзіць прэс-канферэнцыя з вызваленымі палітвязнямі2
Каментары