Інтэрнэт-гігант прадставіў шыкоўнае дакументальнае відэа «Back To The Moon For Good – The New Space Race».
«На выпадак, калі вы яшчэ не чулі: Месяц зноў у трэндзе. І гэта толькі пачатак», — кажа дыктар Цім Ален (голас База Лайтара ў «Гісторыі цацак») ў відэа, што распавядае пра гісторыю засваення спадарожніка Зямлі.
Асваенне Месяца спынілася па завяршэнні касмічнай гонкі між ЗША і СССР з распадам апошняга. Але для новай касмічнай гонкі чарговая Халодная вайна не спатрэбіцца.
Гэтым відэа Google падтрымлівае інтарэс да прэміі Google Lunar X PRIZE, тлумачыць TJournal. Галоўны прыз у 20 млн даляраў атрымае той, хто прызямліць месяцаход на паверхню Месяца і пройдзе з яго дапамогай не меней за 500 метраў, перадаючы выявы на Зямлю. 26 студзеня Google размеркавала першыя гранты на суму 5,25 млн даляраў, з іх 1,75 млн дасталося кампаніі.
NASA і прыватныя амерыканскія ды міжнародныя арганізацыі маюць амбіцыёзныя касмічныя планы, ад танных палётаў у космас са шматразовымі ракетамі SpaceX да каланізацыі Марса. Аб планах па засваенні Месяца заяўляла Расія, але ёй, відаць, прыйдзецца застацца на зямной арбіце.
-
Албанія першай у свеце прызначыла міністрам штучны інтэлект, каб сачыў за карупцыяй
-
Apple прэзентавала ўльтратонкі iPhone Air, бяздротавыя навушнікі з функцыяй імгненнага перакладу і смарт-гадзіннік, які мерае ціск
-
У Расіі распрацавалі сістэму ананімнага адсочвання перамяшчэння людзей і аб'ектаў без біяметрыі
Каментары