Новыя палітычныя слоганы распаўсюджваюцца на ўсе сферы жыцця, якія закранае ідэалогія чучхе.
Паўночная Карэя раскрыла спіс 310 новых палітычных слоганаў, распавядае The Guardian. Спіс быў апублікаваны карэйскім інформагенцтвам KCNA на 70-годдзе Рабочай партыі.
Яны славяць кіраўніка дзяржавы Кім Чэн Ына і дынастыю Кімаў, кажуць аб важнасці надзейных жонак і жахах амерыканскага імперыялізму.
Некаторыя са слоганаў:
- «Расціце горы фруктаў, і іх салодкі водар напоўніць паветра ў моры яблынь у падножжа перавалу Чхоль!»
- «Расціце гародніну ў цяпліцах!»
- «Хай будзем краінай грыбоў!»
- «Гуляйце ў спартыўныя гульні агрэсіўна!»
- «Калі ворагі пасмеюць напасці на нашу Радзіму, знішчайце іх да апошняга!»
- «Карэя, хай увесь свет ведае аб нараджэнні яскравай зоркі над гарой Пэкту!» (пра Кім Чэн Іра, у час нараджэння якога паводле легенды над гарой Пэкту заззяла знічка)
Адзін з уцекачоў з КНДР Лі Мін Бок распавядае: «Мы проста пахаваныя пад лавінай слоганаў. Нам прыходзіцца іх запамінаць, каб была магчымасць прадэманстраваць сваю лаяльнасць. Але паступова яны губляюць сэнс, асабліва пасля голаду 90-х».
Слоган пра цяпліцы, кажа ён, існуе ўжо два дзясяткі год. Праблема ў тым, што людзі не маюць пластыкавых панэляў ці паліва для абагрэву.
Некаторыя слоганы ператвараюцца ў мясцовыя анекдоты: «Хай дарога наперадзе цяжкая, мы пройдзем па ёй са смехам» народ перайначыў як «Яны, вядома, смяюцца, але нашто мы таксама мусім туды ісці?»
Цяпер чытаюць
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?3
Каментары