У міністэрстве жыльлёва-камунальнай гаспадаркі прыкінулі, што цалкам аплочваць камуналку людзі ня змогуць і ў 2015-м. Тым часам летась 162 сям’і былі выселены на вуліцу.
Тэрміны пераходу на поўнае пакрыццё насельніцтвам затрат на паслугі ЖКГ будуць прадоўжаны
Тэрміны пераходу на поўнае пакрыццё насельніцтвам затрат на жыллёва‑камунальныя паслугі будуць прадоўжаны. Аб гэтым паведаміў сёння на прэс‑канферэнцыі ў Мінску першы намеснік міністра жыллёва‑камунальнай гаспадаркі Генадзь Ляпуноў.
Ён адзначыў, што перайсці на 100‑працэнтны ўзровень кампенсацыі насельніцтвам затрат на паслугі ЖКГ планавалася да 2015 года. «Сёння ўзровень кампенсацыі затрат насельніцтвам стрымліваецца. Чакаецца, што ў 2008 годзе ён складзе каля 34 працэнтаў, — адзначыў Генадзь Ляпуноў. — Вядома, тэрміны пераходу на поўную аплату насельніцтвам жыллёва‑камунальных паслуг будуць адсоўвацца».
Як растлумачыў першы намеснік міністра, павелічэнне кампенсацыі насельніцтвам затрат на паслугі ЖКГ будзе залежаць ад росту тарыфаў на гэтыя паслугі, узроўню даходаў грамадзян і многіх іншых фактараў. Ён нагадаў, што з 1 студзеня 2008 года тарыфы на аказанне жыллёва‑камунальных паслуг былі павышаны ў межах $5 у эквіваленце. У выніку памер платы за двухпакаёвую кватэру агульнай плошчай 48 кв.м для сям’і з трох чалавек складзе у ацяпляльны сезон Br132,9 тыс. у месяц.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары