Міжнародная асацыяцыя беларусістаў правядзе VI Міжнародны кангрэс беларусістаў 27—29 мая ў Мінску. Папярэдняя інфармацыя пра форум апублікаваная на афіцыйным сайце асацыяцыі mab.org.by.
Кангрэс, як паведамляецца, будзе першым з мерапрыемстваў, прымеркаваных да 500-годдзя беларускага і ўсходнеславянскага кнігадрукавання.
Удзельнікі абмяркуюць шэраг даследаванняў у такіх навуках, як мовазнаўства, літаратуразнаўства, культуралогія, гісторыя, фалькларыстыка, этналогія, у сферы міжнародных адносін.
Міжнародная асацыяцыя беларусістаў — грамадскае навуковае і культурна-асветніцкае аб'яднанне, якое было ўтворанае ў маі 1991 года. Яе сузаснавальнікамі выступілі Нацыянальная акадэмія навук Беларусі, а таксама шэраг міністэрстваў — адукацыі, культуры і замежных спраў. Арганізацыя аб'ядноўвае даследчыкаў у галіне сацыяльных і гуманітарных навук, выкладчыкаў, дзеячаў культуры і асветы, перакладчыкаў, што даследуюць культурна-гістарычную спадчыну і сучаснае развіццё беларускага народа, іншых спецыялістаў.
Папярэднія кангрэсы беларусістаў праходзілі ў 1991, 1995, 2000, 2005 і 2010 гадах і былі прысвечаныя тэмам становішча Беларусі паміж Усходам і Захадам, узаемадзеяння і ўзаемаўзбагачэння культур сусветнай супольнасці, беларускай культуры ў дыялогу цывілізацый ды ў кантэксце культур еўрапейскіх краін.
Цяпер чытаюць
Пасадзілі падпалкоўніка і былога выкладчыка Вайсковай акадэміі. Ён падтрымаў народ у 2020-м10
Пасадзілі падпалкоўніка і былога выкладчыка Вайсковай акадэміі. Ён падтрымаў народ у 2020-м
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ55
Каментары