У сочынскай рэзідэнцыі «Бачароў ручай» праходзіць сустрэча прэзідэнта Расіі і дзяржсакратара ЗША Джона Керы. На сустрэчы прысутнічае кіраўнік расійскага МЗС Сяргей Лаўроў. Гэта першы візіт Керы ў Расію з моманту пачатку вайны ва Украіне.
Як чакаецца, прадстаўнікі ЗША і Расіі абмяркуюць шэраг міжнародных праблем, у тым ліку сітуацыю ў Іране і Сірыі. «Гэтая паездка — частка нашых пастаянных намаганняў для падтрымання прамой сувязі з высокапастаўленымі расійскімі чыноўнікамі», — адзначылі ў Белым доме.
Раней кіраўнік МЗС Расіі Сяргей Лаўроў на сустрэчы з Керы ў Сочы паднёс яму ў якасці падарунка краснадарскія памідоры і бульбу, паведаміла намеснік кіраўніка дэпартамента інфармацыі і друку МЗС Марыя Захарава.
«Лаўроў падарыў Керы краснадарскія памідоры і бульбу, якая знаходзіцца ў далёкіх роднасных сувязях з той, якую ў свой час яму прывёз амерыканскі калега», — напісала Захарава на сваёй старонцы ў фэйсбуку.
Паводле яе слоў, Кэры таксама атрымаў у падарунак ад Лаўрова футболку з сімволікай Перамогі.
У сваю чаргу, кіраўнік дзяржаўнага дэпартамента падарыў расейскаму калегу спіс цытат расійскіх СМІ, якія, на яго погляд, не адлюстроўваюць рэальны патэнцыял маштабных расейска-амерыканскіх адносін, дадала Захарава.
Цяпер чытаюць
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада9
Каментары