У Лос-Анджэласе прайшла 50-ая цырымонія ўручэньня прэміі Амэрыканскай акадэміі гуказапісу Grammy. Сярод ляўрэатаў і кандыдат ад Дэмакратычнай партыі.
Трыюмфатарам цырымоніі стала брытанская сьпявачка Эмі Уайнхаўс. Яна перамагла ў пяці намінацыях: «Найлепшая песьня году» (песьня ‑‑ Rehab), «Запіс году» (Rehab) «Найлепшы жаночы поп‑выступ» (песьня Rehab), «Альбом году» Back To Black, «Найлепшы дэбют».
Між іншым, Эмі Ўайнхаус не змагла прыехаць у Лос-Анджэлес праз праблемы зь візай.
Брус Спрынгсьцін перамог у трох намінацыях: найлепшае сольнае выкананьне рок‑кампазыцыі, найлепшай песьняй у стылі рок (песьня ‑‑ Radio Nowhere), найлепшае выкананьне інструмэнтальнай кампазацыі ў стылі рок (легендарная ‑‑ Once Upon A Time In The West).
У намінацыі найлепшы мужчынскі поп‑выступ перамог Джастын Тымбэрлейк (What Goes Around…Comes Around)
У намінацыі найлепшы альбом у стылі рок перамаглі Foo Fighters (Echoes, Silence, Patience & Grace). Яны ж сталіся пераможцамі ў стылі «хэві мэтал» ‑‑ The Pretender.
Іншыя намінацыі
Найлепшы танцавальны альбом: We Are The Night The Chemical Brothers
Найлепшы традыцыйны поп‑альбом Call Me Irresponsible Michael Bubl
Найлепшае групавое выкананьне рок‑кампазыцыі Icky Thump The White Stripes
Найлепшы альбом у стылі рытм‑н‑блюз Funk This Chaka Khan
Найлепшы R’n’B альбом: Because Of You Ne‑Yo
Найлепшы альбом у стылі кантры These Days Vince Gill
Найлепшая кампазыцыя для дуэта ў стылі рэп: Umbrella Rihanna і Jay‑Z.
Не абышлася юбілейная цырымонія уручэньня Grammy і без палітыкі. Кандыдат у прэзыдэнты ад Дэмакратычнай партыі Барак Абама стаў ляўрэатам у намінацыі «Найлепшы аўдыёаповед».
У гэтай катэгорыі спаборнічаюць гуказапісы прамоваў, выступаў, вершаў, а таксама аўдыкнігі.
Дыск Абамы «Адвага надзеі: развагі пра аднаўленьне амэрыканскай мары» быў прызнаны найлепшым. Канкурэнтамі ў барацьбе за Grammy былі Біл Клінтан і Джымі Картэр.
50-я юбілейная цырымонія ўручэньня прэмій Grammy будзе паказана сёньня на тэлеканале БТ. Пачатак у 21.45.
Цяпер чытаюць
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно16
Каментары