Актывісты руху «Вольны Хаўрус» правялі ў Мінску акцыю «Змагайся за свае правы»: вывесілі расцяжку над трасай і асвятлілі яе фаерамі. Пра гэта charter97.org паведаміў чытач Іван Дуб.
«Абыякавасць, страх і маўчанне большасці стварылі плацдарм для шырокага наступу на сацыяльныя і грамадзянскія правы. У нас адбіраюць апошняе! Паўночная Карэя ўжо не за гарамі. Улады рашуча сціскаюць смяротныя ланцугі «сацыяльнага раю», і яны ля твайго парога. Маргінальныя палітычныя псеўдаапазыцыйныя структуры не зацікаўленыя ў сацыяльным вызваленні марода. Іх цікавіць перш за ўсё захаванне ўласнаго прыкарытнага «статусу кво», для чаго яны гатовыя ісці на міравую і супрацоўніцтва з уладай.
Чакаць дапамогі няма адкуль, выхад толькі ў нізавой самаарганізацыі і барацьбе! Правы не даюць, правы бяруць!», — сказаў ён.
Каментары