Мяркуецца, што новыя «Лаўцы прывідаў» з галоўнымі героямі-жанчынамі выйдзе ў пракат у ліпені 2016 года. Але многія дэталі фільма ўжо вядомыя: не толькі акцёрскі склад, але і характэрныя дэталі свету фільмаў, «мадэрнізаваныя» пад нашы дні.
Новыя «Лаўцы прывідаў» нядаўна сфатаграфаваліся ў «баявых» касцюмах. Фота неафіцыйнае, яно было апублікаванае на форуме NeoGAF фанатамі. Магчыма, у хуткім часе з’явяцца і афіцыйныя здымкі.
Форма на фота адпавядае той, што раней паказваў рэжысёр фільма Пол Фіг у сваім твітары. Так што можна не сумнявацца ў праўдзівасці папярэдніх фота.
Новыя «Лаўцы прывідаў» перасядуць на новую машыну. Дакладней, крыху больш новую за Ecto-1 з арыгінальнай дылогіі, зроблены з Cadillac Professional 1959 года. Здымкі новай машыны публікаваў у сваім твітары Фіг. Фанаты адзначаюць, што на новай машыне з’явіліся антэны, якія маляваў на ранніх канцэптах Дэн Эйкрайд, акцёр і сцэнарыст арыгінальных фільмаў. Магчына, новыя «Лаўцы прывідаў» змогуць адсочваць прывідаў у руху.
Што цікава, адну з акцёрак заўважылі на здымачнай пляцоўцы на матацыкле з лагатыпам «Лаўцоў прывідаў», фота апублікавалі на тым жа NeoGAF. Пакуль не зразумела, ці з’явіцца ён у фільме.
Вядома і як будзе выглядаць пратонны генератар — зброя «Лаўцоў прывідаў». Фота заплечніка-гарматы Фіг таксама публікаваў у сваім твітары — разам з тлумачэннямі.
Каментары