У кітайскім Цяньцзіні — магутныя выбухі: сотні параненых
Кітайскія ўлады паведамляюць, што ўзарваўся груз выбуховых рэчываў.
У выніку двух магутных выбухаў у прамысловай зоне горада Цяньцзінь на ўсходзе Кітая мноства людзей атрымалі траўмы рознай ступені цяжкасці.
Як паведамляе агенцтва Сіньхуа, на дадзены момант у бальніцы дастаўлена не менш за 300 пацярпелых, аднак параненыя працягваюць паступаць. Звестак аб загінулых пакуль няма.
Па паведамленнях мясцовых СМІ, першы выбух адбыўся ў 23:30 па мясцовым часе, выбухная хваля ад яго адчувалася ў радыусе некалькіх кіламетраў. Прыкладна праз паўхвіліны быў другі выбух.
Пасля гэтага сталі раздавацца выбухі меншай магутнасці — як мяркуюць, здэтанавалі боепрыпасы у порце.
Афіцыйна прычына выбуху пакуль не названая, аднак дзяржаўны тэлеканал China Central Television (ССTV) паведаміў, што падарвалася партыя выбуховых рэчываў і цыстэрнаў з гаручым у грузавым тэрмінале гарадскога порта.
На выкладзеных у інтэрнэт відэазапісах бачна, што выбух суправаджаўся асляпляльнай успышкай, а вогненны слуп ўскінуўся ў неба на дзясяткі метраў.
Па звестках CCTV, у выніку выбуху ў бліжэйшых дамах выбіла вокны і дзверы. Некалькі кварталаў з вышыннымі будынкамі абясточаны.
Цяньцзінь, які знаходзіцца ў 96 км на паўднёвы ўсход ад Пекіна, з'яўляецца буйным партовым-прамысловым горадам.
Каментары