2 сакавіка ў кавярні «Акварыюм» адбылося ўручэньне прэмій «Залатая літара 2007» Севярыну Квяткоўскаму і Сяргею Харэўскаму.
Заснавальнік прэміі «Залатая літара» мастак і літаратар Адам Глёбус, вызначыў пераможцаў шляхам галасаваньня ў сваім LJ. З 17 прэтэндэнтаў былі адабраныя Сяргей Харэўскі з кнігай «Гісторыя мастацтва і дойлідства Беларусі» і Севярын Квяткоўскі з кнігай «Фрашкі да пляшкі».
Паколькі прэтэндэнты —— набралі амаль аднолькавую колькасць галасоў, вырашана было, што прэмію ў поўным памеры атрымалі абодва. Апроч традыцыйный грашовай прэміі гэтым разам ляўрэата «Залатое літары» атрымалі па фотаальбому «Bielarusкі» Алены Адамчык й дыхтоўныя нататнікі.
Само мерапрыемства прайшло сьціпла, хоць і ў шмат большым фармаце, чым летась. Сабралося нямала прыхільнікаў творчасьці намінантаў, журналістаў ды цікаўных. Пажартавалі, пафатаграфаваліся, папілі кавы. Пасьля прыйшла суворая адміністратарка й кантралёрска‑вахцёрскім тонам спрабавала «разабрацца»… Аднак, настрою гэта нікому не сапсавала. Наадварот, прыўнесла пікантную ноту ў агульны свойскі тон.
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу27
Каментары