Беларусь з 1 снежня паніжае экспартныя пошліны на нафту і нафтапрадукты, вывозімыя за межы мытнай тэрыторыі Еўразійскага эканамічнага саюза. Гэта рашэнне замацавана пастановай Савета Міністраў нумар 985 ад 26 лістапада 2015 года, паведамілі ў прэс-службе ўрада.
Стаўка экспартнай пошліны на сырую нафту будзе паніжана з $97,1 да $88,4 за 1 т. Пошліна на прамагонны бензін знізіцца з $82,5 да $75,1 за 1 т, на таварныя бензіны - з $75,7 да $68,9 за 1 т.
Пошліна на лёгкія, сярэднія дыстыляты складзе $42,4 за 1 т (была $46,6). Такая ж стаўка пошліны ўстаноўлена і адносна дызельнага паліва, бензолу, талуолу, ксілолаў, змазачных і іншых масел.
У папярэдні раз стаўкі вывазных мытных пошлін адносна сырой нафты і асобных катэгорый тавараў, выпрацаваных з нафты, змяняліся 1 лістапада. Тады яны былі павышаныя.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары