Адзін з удараў расійскай авіяцыі ў сірыйскай правінцыі Ідліб быў нанесены па базары ў горадзе Арыха. Загінулі ад 40 да 60 мірных жыхароў. Некаторыя СМІ сцвярджаюць, што пры бамбардзіроўцы выкарыстоўваліся касетныя боепрыпасы.
Паводле звестак тэлеканала Al-Jazeera, загінулі 40 чалавек, дзесяткі атрымалі раненні.
Сірыйская рада маніторынгу правоў чалавека пацвярджае факт бамбардзіроўкі. Яна сцвярджае, што пры бамбардзіроўцы Арыхі загінулі каля 60 чалавек. Аб 40 ахвярах паведамляў апазіцыйны сірыйскі тэлеканал Orient TV.
Апублікаваныя фота і відэа, знятыя на месцы авіяўдару. На іх відаць мноства скрываўленых целаў.
Горад кантралюецца альянсам з удзелам «Фронту ан-Нусра» — аддзялення «Аль-Кайды» ў Сірыі.
Апошні інцыдэнт з такой колькасцю ахвяраў сярод мірных жыхароў здарыўся, калі амерыканская авіяцыя нанесла ракетны ўдар па шпіталі ў горадзе Кундуз у Афганістане, у часе штурму горада талібамі.
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары