Са студзеня 2016 года Беларуская федэрацыя футбола пачне выпуск глянцавага часопіса «Большой футбол», паведаміў старшыня БФФ Сяргей Румас 11 снежня ў Мінску на цырымоніі закрыцця сезона-2015.
Паводле яго слоў, гледачы змогуць набываць часопіс перад пачаткам матчаў.
Пілотны нумар часопіса аб'ёмам 64 старонкі,які датаваны лістападам гэтага года і не мае выхадных звестак, атрымалі ўдзельнікі цырымоніі. На вокладцы фотаздымак паўабаронцы барысаўскага БАТЭ і нацыянальнай зборнай Аляксандра Глеба, які даў вялікае інтэрв'ю. Прадстаўнікам СМІ, што асвятлялі цырымонію, выданне для азнаёмлення раздадзенае не было. Замест гэтага ім было прапанавана зайсці за часопісам у федэрацыю «ў панядзелак» (14 снежня), а ў пакетах для прэсы з інфармацыйных матэрыялаў былі кніга «Беларускі футбол» пра вынікі 2014 года і выпушчаны яшчэ вясной даведнік чэмпіянату-2015.
Ніша глянцавых спартыўных часопісаў у краіне практычна не занятая, аднак з-за нізкага попыту, вялікіх расходаў на друк і высокага кошту выданняў праекты ў гэтым сегменце недаўгавечныя.
Цяпер чытаюць
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары