У 2016 годзе рост заробкаў будзе самым вялікім за апошнія 7 гадоў, сцвярджае старшы эканаміст банка Swedbank Нерыюс Мачуліс. Гэта адбудзецца таму, што на дадзены момант сіла перамоваў на баку работнікаў, а не працадаўцаў.
«Ад чаго залежыць рост заробкаў? Ад многіх рэчаў, але сутнасць — як і амаль на ўсіх іншых рынках — попыт і прапанова работнікаў. Суадносіны зарэгістраваных беспрацоўных (прапанова) і вольных працоўных месцаў (попыт) ўпалі да ніжэйшага паказчыка з 2008 года, яны нашмат ніжэй за доўгатэрміновы сярэдні паказчык», — патлумачыў у Facebook Мачюлис. Паводле яго слоў, гэта паказвае і растучая перамоўная сіла работнікаў. «Тое, што фонд заробкаў пачаў расці, паказваюць і прыбыткі бюджэту за кошт падаходнага падатку з грамадзян — у студзені яны былі на 12% вышэй, чым год назад. Да паказчыку 2007 г. мы не вернемся, але рост заробкаў у гэтым годзе будзе самым вялікім за апошнія 7 гадоў», — сказаў эканаміст.
Паводле дадзеных Дэпартамента статыстыкі, у трэцім квартале 2015 г. сярэдні заробак «на рукі» ў Літве складаў 722,3 еўра.
Swedbank прагназуе, што ў гэтым годзе рост заробкаў складзе каля 6,5%.
Цяпер чытаюць
Дэпартаваныя пры пасярэдніцтве амерыканцаў палітвязні завіслі між пеклам і зямлёю — без ДНЖ і магчымасці працаваць11
Каментары