Заўтра са сцэны Купалаўскага тэатра вядомыя людзі Беларусі прачытаюць п'есу аб правах жанчын
4 красавіка, у 19.00, на сцэне Нацыянальнага акадэмічнага тэатра ім. Янкі Купалы вядомыя людзі Беларусі возьмуць удзел у спектаклі аб правах жанчын «Сем».
Сем гісторый вядомых жанчын з розных культур свету прачытаюць вядомыя людзі Беларусі: бізнэсмен, заснавальнік партала TUT.BY Юрый Зісер, чэмпіён Беларусі па муай-тай і вакаліст панк-гурта Brutto Віталь Гуркоў, тэлевядучая Ганна Бонд, пасол добрай волі ЮНЭЙДС у Беларусі, тэлевядучая Святлана Бароўская і інш.
Паставіў п'есу рэжысёр Іван Пінігін.
Уваход на пастаноўку па квітках, якія распаўсюджваюцца бясплатна ў касе Купалаўскага тэатра (вул. Энгельса, 7).
Шведскі праект «Сем» — гэта дакументальны тэатральны твор, у аснову якога ляглі інтэрв'ю сямі выбітных жанчын, дзякуючы ўпартасьці якіх свет мяняецца да лепшага. П'еса наўмысна мінімалістычная і не патрабуе дэкарацый або касцюмаў, але чытальнікі заўсёды новыя.
У Беларусі гэта ўжо не першы паказ. У лістападзе 2015 года ў праекце ўдзельнічалі памочнік прэзідэнта па эканамічных пытаннях Кірыл Руды, намеснік міністра замежных спраў Алена Купчына, пасол Швецыі ў Беларусі Марцін Оберг, начальнік упраўлення прафілактыкі Галоўнага ўпраўлення аховы правапарадку і прафілактыкі Міністэрства ўнутраных спраў Алег Каразей, начальнік Галоўнага ўпраўлення арганізацыі медыцынскай дапамогі Міністэрства аховы здароўя Алена Богдан, намеснік міністра працы і сацыяльнай абароны Аляксандр Румак, начальнік Упраўлення па справах моладзі Міністэрства адукацыі Наталля Пшанічная. Рэжысёрам таксама выступаў Іван Пінігін.
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно18
Каментары