Інданезійская спявачка Ірма Б'юл, вядомая сваім экзатычным шоу з кобрай, памерла на сцэне пасля ўкусу змяі.
Кобра напала на 29-гадовую выканаўцу падчас канцэрту, пры гэтым, нягледзячы на ўкус, яна працягвала спяваць яшчэ 45 хвілін. Момант, калі ў Б'юл пачаліся ваніты і курчы і яна ўпала на сцэне, фанаты знялі на відэа.
Як удакладняе The Daily Mail, інцыдэнт адбыўся ў населеным пункце Караванг у правінцыі Заходняя Ява. Б'юл выпадкова наступіла на хвост каралеўскай кобры, пасля чаго тая ўкусіла яе ў сцягно. Спявачку даставілі ў бальніцу, дзе лекары канстатавалі яе смерць.
Паліцыя пачала расследаванне абставінаў смерці Б'юл.
Каралеўскія кобры лічацца самымі буйнымі з атрутных змей. Іх даўжыня дасягае 5,5 метраў, а вага 9 кілаграмаў. Яны насяляюць у паўднёвай Індыі і паўднёва-ўсходняй Азіі. Лічыцца, што аднаго ўкусу каралеўскай кобры дастаткова, каб забіць слана.
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне26
Каментары