Вайсковец 102-й расійскай базы ў Арменіі Валерый Пермякоў, якога абвінавачваюць у забойстве сямі чалавек у горадзе Гюмры, сказаў на пасяджэнні, што здзейсніў злачынства з-за шуму малалетніх дзяцей. Пра гэта ў пятніцу, 29 красавіка, паведамляе «Інтэрфакс».
«Быў шум, дзеці плакалі, а ў двары брахалі сабакі. Забіў, каб гэты шум спыніўся», — сказаў Пермякоў.
Ён цалкам прызнаў сваю віну ў забойстве сямі чалавек.
Выязное пасяджэнне суда Шыракскай вобласці Арменіі праходзіць на тэрыторыі расейскай вайсковай базы ў Гюмры.
Сем членаў сям'і Авецісян былі забітыя ў Гюмры 12 студзеня 2015 года. Сярод іх былі дзеці — шасцімесячны хлопчык і двухгадовая дзяўчынка.
Па версіі следства, Пермякоў пакінуў вайсковую частку з аўтаматам АК-74 рана раніцай 12 студзеня. Ён казаў, што планаваў з'ехаць у Турцыю. Праз некаторы час пасля ўцёкаў Пермякоў зайшоў на тэрыторыю аднаго дома, зламаў дзверы і трапіў у памяшканне. Члены сям'і спалі, аднак адзін чалавек прачнуўся. У гэты момант ваенны расстраляў людзей.
Пермякова абвінавачваюць у масавым забойстве, учыненым з асаблівай жорсткасцю, а таксама ў разбоі і незаконным пранікненні у жыллё.
Пасля гэтага выпадку расійскі Генштаб вырашыў, што з 2016 года ў асабовы склад 102-й расійскай ваеннай базы ў Арменіі будуць уваходзіць толькі вайскоўцы-кантрактнікі.
Цяпер чытаюць
Хто тая беларуска, якую экстрадавалі ў ЗША для суда за кантрабанду дэталяў для самалётаў1
Каментары