Галівудская кінакампанія Legendary Entertainment атрымала правы на экранізацыю гульні пра пакемонаў.
Кампанія, якая адказвае за стварэнне фільмаў «Гадзіла», «Свет Юрскага перыяду» і «Цёмны рыцар: Адраджэнне легенды», купіла правы на экранізацыю у Pokemon Company на фоне ўсплёску папулярнасці пакемонаў з-за выхаду гульні для смартфонаў Pokemon Go.
Здымкі паўнаметражнага фільма з удзелам як рэальных акцёраў, так і анімацыйных персанажаў пачнуцца ў 2017 годзе. Паводле дадзеных СМІ, першы фільм будзе заснаваны на гульні Nintendo «Вялікі дэтэктыў Пікачу». Іншыя дэталі пакуль трымаюцца ў сакрэце.
У бясплатнай гульні Pokemon Go для смартфонаў карыстальнікі шукаюць пацешных монстраў, якія былі раскіданыя ў віртуальным свеце, накладзеным на карту навакольнай мясцовасці.
Змешванне рэальнай рэчаіснасці і фантастычных элементаў прынесла гульні неімаверную папулярнасць.
Колькасць штодзённых карыстальнікаў гульні ацэньваецца амаль у шэсць мільёнаў чалавек. Паводле дадзеных аналітычнай кампаніі SimilarWeb, у сярэднім гулец праводзіць за гульнёй 43 хвіліны і 23 секунды ў дзень. Гэта больш, чым сярэдні карыстальнік штодня праводзіць у такіх праграмах, як WhatsApp, Instagram або Snapchat.
-
Фільм «Класная»: паглядзелі яго, каб зразумець, якімі «яны» хочуць бачыць «нас»
-
Новы фільм з Ды Капрыа ідзе амаль тры гадзіны, а сцэнар да яго пісаўся 20 гадоў. Ці варта глядзець?
-
У Кітаі аўстралійскі фільм пусцілі ў пракат змененым з дапамогай штучнага інтэлекту. Гей-пару ператварылі ў гетэрасексуальную
Каментары