Парламент Балгарыі ўхваліў законапраект, які забараняе насіць у грамадскіх месцах вопратку, што закрывае твар. За парушэнне забароны на нікаб і паранджу прадугледжаны штраф каля 100 даляраў.
Паўторнае парушэнне закона будзе карацца павялічаным штрафам. Максімальная сума штрафу - -1500 леваў (каля 800 даляраў).
Згодна з законам, у грамадскіх месцах забараняецца насіць «любую вопратку, якая часткова або цалкам закрывае твар».
У ходзе абмеркавання партыя «Рух за правы і свабоды», якая прадстаўляе перш за ўсё інтарэсы турэцкай супольнасці ў краіне, крытыкавала законапраект як спробу пасеяць рэлігійную варожасць.
Туркі складаюць прыкладна 13% насельніцтва Балгарыі, яны ж з'яўляюцца самай шматлікай мусульманскай суполкай.
Балгарскія турчанкі, як правіла, не закрываюць твары, але гэта прынята сярод іншых, больш кансерватыўных і малалікіх ісламскіх суполак краіны.
У верасні Балгарыя звярнулася да Еўракамісіі з просьбай прадаставіць дапамогу ў памеры 160 млн еўра для абароны межаў і абмежавання патоку мігрантаў.
Ініцыятыва забараніць вопратку, якая закрывае твар, у Балгарыі ўзнікла ў невялікім горадзе Параджык на поўдні краіны. Салафіцкая суполка горада аказалася ў цэнтры ўвагі прэсы пасля таго, як адзін з яе прапаведнікаў Ахмед Муса тройчы трапіў пад суд за распальванне рэлігійнай варожасці.
Нікаб — жаночыя мусульманскія галаўныя ўборы, якія закрываюць твар і пакідаюць толькі прарэз для вачэй — ужо забароненыя ў Бельгіі, Францыі і Латвіі.
Цяпер чытаюць
«У палітыцы была справа». Лукашэнка высветліў, чаму беларусам не хапіла бульбы5
Каментары