Гурт «Крамбамбуля» запісаў дуэтам з Русяй эксклюзіўную вэрсію песьні «Безь цябе» ў межах акцыі, накіраванай на збор сродкаў на апэрацыю па перасадцы сэрца для Міхася Ларына.
Гурт «Крамбамбуля» запісаў дуэтам з Русяй эксклюзіўную вэрсію песьні «Безь цябе» ў межах акцыі «Сэрца жыве», накіраванай на збор сродкаў на апэрацыю па перасадцы сэрца для Міхася Ларына.
«Мы далучыліся да гэтага праекту, таму што добра разумеем, што здароўе — гэта штосьці, што сёньня ёсьць, а заўтра можа кудысьці зьнікнуць», — заявіў Лявон Вольскі.
«Горш за ўсё, калі менавіта так, як у Мішы — зьнянацку, безь якіх‑кольвек прычын. Вельмі хочацца, каб у яго ўсё было добра», — адзначыў музыка.
Песьня «Безь цябе» была ўпершыню выдадзена год таму на альбоме «Крамбамбуля Сьвяточная», але ў акцыі ўдзельнічае ў новай, дуэтнай вэрсіі.
«Спачатку гэта быў чыста канцэртны нумар, але нам ён так спадабаўся, што некалькі месяцаў таму мы вырашылі запісаць яго ў студыі. Мне падаецца, што песьня ад гэтага толькі выйграла», — лічыць лідэр «Крамбамбулі».
Пералічыць грошы Міхасю вельмі проста — дастаткова зайсьці ў любое аддзяленьне «Беларусбанку» й мець з сабой рэквізыты ягонага рахунку. Квітанцыю запаўняць ня трэба, пашпарт не патрэбны.
Дадатковая інфармацыя пра Міхася й акцыю даступная на сайце праекту.
Цяпер чытаюць
У СІЗА КДБ апынуўся Мікалай Цырто, фігурант старой справы Беларусбанка. Другі раз — за палітыку1
Каментары